往日若係睇鄒重璂醫生嘅「白板醫學」講座，聽佢講健康通常聽得多，點知喺飯局入面聽佢分享育兒之道亦同樣吸引！Terence 有兩位相當可愛嘅孩子，分別叫豆豆同毛毛，如今喺日本就讀 Harrow Appi——一所結合英式寄宿教育精神同雪山環境嘅學校。
「開心嘅事同媽媽講，媽媽負責開心；有負面情緒或難題同爸爸講，爸爸負責幫你解決問題。」第一次聽到鄒醫生呢句育兒心法，我心裡好觸動。
喺香港家庭中，習慣把焦慮互相傳染嘅情況之下，呢種界線分明嘅分工，顯得格外清醒。唔少家長以為把仔女送去寄宿就等於所有成長問題都交畀學校處理；但實際上，真正能支持孩子改變嘅，係背後呢套家庭心理學。
好多父母都面對同一個難題：孩子抗拒出國留學，應該點樣做？硬拉佢走？呃佢上機？鄒醫生選擇尊重兩位孩子嘅意願，了解抗拒出國嘅原因。
鄒醫生曾經考慮安排兩個女兒去英國讀書，但她們最初聽到要離家寄宿，就已經極度排斥。轉捩點出現喺佢陪女兒親身前往日本安比高原嘅 Harrow Appi 進行視察，一家人本身都好鍾意日本同滑雪；當見到雪山環抱嘅校園氛圍，奇蹟發生咗：參觀完一圈，原本抗拒嘅孩子竟然主動叫爸爸即刻填表報名；妹妹本來承諾留喺香港陪爸爸，但一個月都未夠就喊住話一定要跟埋去讀書！
喺好多家庭入面，父母嘅情緒界線往往太模糊。仔女喺外面遇到挫折，返到屋企一開口，媽媽可能比孩子更加焦慮，無意中將情緒放大；爸爸又可能覺得煩，一句「咁小事有咩好喊」就急住教訓。結果孩子有心事根本唔敢講，因為佢哋預計講出嚟之後，換返嚟嘅係安慰、係責怪，定係另一場情緒海嘯。
當父母有咗清晰嘅分工，細路心入面就有一張安全感地圖：同媽咪分享：喜悅同熱誠有人感同身受，為自己高興；轉身去搵爸爸：面對難題，爸爸係一個理性、冷靜嘅避風港，唔會批判，而係一步步拆解問題。
有咗呢份底氣，孩子未來先有能力面對逆境。
鄒醫生對女兒嘅照顧無微不至，甚至曾親自寫信建議學校餐廳改用更健康嘅牛油果油；但同時，鄒醫生亦會提醒女兒：「你唔係客人，你係學生，人生唔係一定會如你所願。」呢句聽起嚟有啲直接，但寄宿生活本來就唔可能事事如意。支持孩子，不等於代佢清除所有不舒服；有時係陪佢睇清楚眼前嘅難題，讓佢知道可以點樣一步步應對，克服風浪先至係成長嘅真諦。
究竟係選傳統英國名校，定係日本呢類亞洲英式寄宿學校？我相信冇一個答案適合所有孩子。環境、師生比、生活方式固然值得比較，但最重要嘅，係孩子到咗嗰度，會唔會願意投入，同時喺需要時能夠找到支持。
今次升學展，我好榮幸邀請到鄒重璂醫生親身出席，同大家深度分享佢同太太育兒心得，聽聽佢哋嘅親身經歷，能夠讓家長喺睇校名同排名之外，同樣多留意下孩子嘅性格與需要。喺放手畀孩子去闖之前，我哋作父母嘅人，喺屋企又準備好畀佢哋一份點樣嘅安全感呢？
英識教育・英國升學展
重量級嘉賓｜鄒重璂醫生 Terence 親臨分享
日期：2026 年 10 月 10 日（星期六）
時間：下午1時
地點：金鐘 JW 萬豪酒店 3 樓宴會廳
https://zfrmz.com/MaHTxXhTYl7MJdfFzoOS
